Elgan Lewis

Cyflwynaf Wybodaeth yn y Gymraeg a’r Saesneg gan fy mod yn hollol ddwyieithog.

Cefndir Gwaith/Personnol:

Wedi gadael Ysgol Uwchradd penderfynais ddilyn Cwrs Gwaith Saer yng Ngholeg Meirion Dwyfor Dolgellau gyda fy swydd gyntaf yn gweithio i Saer Lleol yn Ffestiniog. Cefais brofiadau da yn rhinwedd y swydd gan ein bod fel tîm yn addasu ein sgiliau i wneud gwaith adeiladau cyffredinol ynghyd a gwaith saer. Roedd fy nghyflogwr yn rhoi sylw i fanylder a safon a hyn yn gychwyn da imi. Roedd disgwyl hefyd imi weithio oriau sylweddol er mwyn cyrraedd ein targedau .

Yn dilyn proses gyfweld hirfaith cefais y cyfle unigryw o dreulio dros flwyddyn yn gweithio fel Saer/Adeiladwr i British Antarctic Survey gyda fy lleoliad yn Antarctica.

Profodd hyn fy sgiliau cydweithio a gweithio mewn amodau heriol iawn. Gyda’r cytundeb yma yn estynedig roedd cyfrifoldeb arnaf i sicrhau bod adnoddau ar gael ar gyfer y gwaith. Nid oedd modd prynu dim ar y safle gwaith felly roedd cynllunio ymlaen llaw ac archebu gofalus mor bwysig .Yn ogystal, roedd asesiadau parhaus o ran Iechyd a Diogelwch a rheoli risgiau yn rhai oedd yn ofynnol sawl gwaith mewn diwrnod. Rhaid dweud ein bod a chyfrifoldeb am ddiogelwch ein gilydd yn y lleoliad gwaith yma yn fwy na’r arfer. Gofynnwyd imi gymryd cyfrifoldeb Cymorth Cyntaf ac oherwydd gwneud hyfforddiant lefel uwch yn y maes.

Yn dilyn dychwelyd y Gymru cefais anogaeth i wneud cais am swydd fel Hyfforddwr a Thechnegydd yng Ngholeg Meirion Dwyfor. Golygai hyn archebu offer a nwyddau, gwiriadau diogelwch a sicrhau bod yn holl offer yn ddiogel ac wedi eu gwirio i safon . Roedd ysgrifennu dulliau gwaith hefyd yn bwysig (Method Statement) ynghyd a hyfforddiant cychwynnol i fyfyrwyr (Tool Box Talk). Fy nghyfrifoldeb oedd hyfforddi ac asesu yn y gweithdy (gwaith saer yn bennaf).Bu imi hefyd gynorthwyo myfyrwyr i baratoi ar gyfer Cystadleuaeth i Safon Genedlaethol. Roedd defnyddio sustemau cyfrifiadurol perthnasol yn bwysig iawn yn y swydd yma gyda systemau ar gyfer Cofnodi Asedau yn rhai ohonynt.

Cefais fy nenu yn ôl i Swydd yn y Maes Adeiladu gyda Chwmni Lleol. Rhoddwyd cyfrifoldeb Rheoli Safle Gwaith imi yn syth. Roedd y cwmni ar y pryd gyda chytundebau i’r Cyngor ynghyd a Chwsmeriaid Preifat. Cyfeiriaf at adnewyddu adeiladau Ysgolion, Cartrefi Gofal fel enghraifft. Roedd y gwaith preifat yn cynnwys adnewyddu a chodi tai newydd.

Cefais gais unwaith eto gan y British Antarctic Survey i ymuno a’u gweithlu mewn safle arall yn Antartica gyda’r cytundeb yma yn un am 6 mis .Gwaith adnewyddu cynnal a chadw oedd y

swydd ond hefyd cydweithio gyda Pheirianwyr i godi adeiladau i lefelau gwahanol. Roedd gallu technegol yn cael ei ymarfer gennyf ar gyfer tasgau o’r fath.

Yn dilyn dychwelyd yr eildro es yn ôl i weithio gyda’r Cwmni Lleol fel Rheolwr Adeiladu gyda’r gwaith yn bennaf ar adeilad Glan Wnion Dolgellau, safle i rai di gartref Corris a gwaith ysgolion. Golygai hyn ddarllen a dehongli darluniau technegol, delio gyda chwsmeriaid /clintiau ynghyd a chontractwyr. Roedd trefnu ac arwain mewn cyfarfodydd cynnydd yn elfen ddiddorol gennyf ac yn gyfle i ddefnyddio sgiliau cyfathrebu da. Roeddwn yn ffafrio Siart Gant ar gyfer cynllunio fy ngwaith fel Rheolwr Adeiladu. Roedd sicrhau ein bod yn cydymffurfio gyda Rheoliadau Iechyd a Diogelwch yn allweddol.

Am y tro olaf rwyf wedi cytuno i fynd i Antarctica a hyn oherwydd bod anogaeth fawr wedi dod gan y cwmni i ymuno a’r tîm. Byddaf allan o'r wlad tan gychwyn Chwefror 2024.

Rwyf bellach yn barod i ystyried gyrfa wahanol yn y maes adeiladu .Gwnaf hyn oherwydd profiad helaeth ac eang yn y maes, profiad o reoli pobl a gweithio o fewn targedau gyda rhai yn eithaf heriol. Rwyf hefyd yn credu bod safon y gwaith adeiladu yn bwysig ac rwyf a brwdfrydedd am y gwaith. Hefyd mae fy mhrofiadau allan yn Antartica yn rhoi pwyslais mawr ar elfennau Iechyd a Diogelwch a chydymffurfio. Nid oes lle i wallau gyda hyn yn unman ond yn sicr mewn lleoliad mor anghysbell.

Rwyf wedi gwneud ychydig o brosiectau fy hunan ac wedi gweithio ar safle ar ben fy hunan. Mae hyn yn golygu prisio gwaith.

Rwyf wedi defnyddio sawl sustem/rhaglen gyfrifiadurol a ddefnyddiwyd gan wahanol gwmnïau gyda rhain fwyaf wedi ei deilwra i ofynion y cwmni.

Gallaf gyfathrebu yn hawdd yn y Gymraeg a’r Saesneg. Rwy’n berson cyfeillgar a hwyliog ac yn frwdfrydig iawn.

Rwyf gydag ethos gwaith da iawn ac yn anfodlon hyd nes bydd unrhyw gyfrifoldeb a roddir imi wedi ei gwblhau ar amser ac i safon .Mae'n bwysig imi fod y tasgau yn cyd-fynd a gofynion rheoliadau perthnasol .Roeddwn yn pwysleisio hyn i weithwyr oeddwn yn gyfrifol amdanynt. Gweithwyr oedd a chyfrifoldebau o fewn yr holl feysydd adeiladau.

Mae fy niddordebau personol yn cynnwys Cerdded Mynyddoedd, Beicio a Physgota ychydig.

Advanced First Aid